http://doi.org/10.58225/sw.2022.2.47-55
DAİRƏVİ BOŞLUQLU ELASTİKİ YARIMMÜSTƏVİNİN NAMƏLUM ƏMSALLI GƏRGİNLİK FUNKSİYANIN SƏRHƏD ŞƏRTLƏRİNİN TƏYİNİ
Xeyrəbadi Qəzalə Sabir qızı- t.ü.f.d., Azərbaycan Dövlət Neft və Sənaye Universiteti, qezale@mail.ru
Ağalarova İsmət Ülvi qızı- r.ü.f.d., Azərbaycan Dövlət Neft və Sənaye Universiteti, ismetagalarova@mail.ru
Xülasə. Bu məqalədə dairəvi boşluğu olan elastiki yarımmüstəvi üçün birinci əsas sərhəd məsələsinin həllinə baxılır. Məqalədə daxili konturda təyin olunmuş naməlum əmsallı analitik funksiyanın təyini sərhəd şərtinin kontur dəyişəninə görə ayrılışlarla deyil, bu sərhəd şərtinin ortoqonallaşdırılması prosesindən alınmış sonsuz xətti cəbri tənliklər sistemi ilə əlaqədardır. Cəbri tənliklər sisteminin əmsalları dairəvi kontur boyu inteqrallar vasitəsilə ifadə olunur, yəni kontur şərtlərini ödədib eyni üstlü qüvvətlərin əmsallarının müqayisəsindən alınır. Alınan sonsuz cəbri xətti tənliklər sisteminin həlli olması üçün onların requlyar olmaları tələb olunur. Aparılmış hesablamaların nəticəsində cəbri xətti tənliklər sistemini təşkil edən əmsalların sürətlə sönməsi (sıfıra yaxınlaşması) bu şərti təsdiq edir. Baxılan məsələ klassik Bussiness məsələsinin xüsusi halıdır. Məsələnin tam qapalı həllinin alqoritmi verilmiş və alınan gərginliklər məsələdə qoyulan xətlər üzərinə düşür.
Açar sözlər: sərhəd şərtləri, cəbri tənliklər sistemi, gərginlik, inteqral, cəbri tənliklər sisteminin requlyarlıq şərti